Cross Over (Over)
تجربتى مع Cross Over
طيب ناس كتير سألت على الشغل مع Cross Over و شايفين ان اسعارهم حلوة و فرصة كويسة اوى اوى ان الواحد يستقل و يقعد فى البيت يشتغل (فكرة خطيرة بدل المرمطة فى الشركات) و لو جيت حسبتها حتلاقى نفسك بتكسب 3 اضعاف اللى ممكن تكسبه فى أى شركة فى مصر .
التجربة كانت كالتالى :
كنت بدور على حاجة تطلعنى برا دايرة الشغل فى الشركات جبتها بال search العادى فى google عملت sign up دخلت على manual tester اللى ب 10 دولار .. طب ليه مدخلتش على اللى أكبر من كدا ؟ قلت أجرب فى القليل الصراحة عشان لو منجحتش ابقى مضيعتش الكبير :)
أولا : امتحان ISTQB بس مش زى الامتحان أصعب منه و فيه أسئلة عمرى ما شفتها بس لقيت حلها بعد كدا من ال sarech على الانترنت .. لو انتا بقالك شهر فى المذاكرة و لسه جديد مش حتعدى عشان الامتحان محتاج واحد قارى كتير اوى
ثانيا : امتحان انجليزى لطيف مش وحش
ثالثا : بعد ما نجحت فى الاتنين اللى فوق قالك حنبعتلك project استعد ادامك 3 أيام فقط و تبعت كل حاجة .. طبعا بطريقة معينة اللى هى باختصار كانت مشروحة فى text بتدخل تعمله download
بص يا سيدى project لطيف او عبارة عن blog زى اللى انتا شايفه حالا ال application مديك 2 URL واحد admin و التانى front end .
المطلوب تعمل folder باسمك و عندك حاجتين تعملهم
1. ال test documentation كله بمعنى ال test plan , risk assessment , test cases
2. ال bug reporting تجيب كل ال bugs اللى تقدر عليها مش بس كدا تعمل sheet و evidences كل دا excel و كمان تعمل record بصوتك فيديو عشان يشوفوا انتا عارف تعمل presentation و لا بتتكلم انجليزى I go yo school by luck
بترفع كل الكلام دا zipped و كل دا مشروح فى ال text file فلو انتا ضايع انجليزى و عديت بالبركة فى الامتحان حتتلقط
رابعا : بعد ما نجحت قالى فى interview مع واحد هندية اسمها Neha Gupta
بتحدد على ال website المعاد المناسب ليك و ليها .. جه المعاد لبست القميص المكوى و بنطلون البجامة و بدأنا .
سألت فى ال task و انتا فكرت فيها ازاى و ايه هى ال test process و ال test levels طبعا بالانجليزى
سالت فى sql بالتحديد ال joins و ايه الفروقات بنهم سألت فى ال performance and automation basics
خامسا : اتبعتلى rejection mail بص يا محمد انتا كويس و اسلوب ال documentation بتاعك تحفة بس مش حناخدك :D
عملت search كتير لقيت المسيطر هنود شوية و العرب مبينجحزش من أول مرة .. مجربتش تانى الصراحة
الخلاصة : حلم انك تقرالك كلمتين و تدخل تهبد دا انساه .. الحاجات المطلوب تعملها واحد اشتغل بايده وقرى كتير
لو جت معاك خير و بركة يا ريت و هما بيقولولك انا مليش دعوة انتا بتعمل ايه عايز تشتغل فى بلدك اشتغل بس مينفعش انك متخلصش اللى عليك معانا و الا شكرا
ممكن نسفرك مينفعش تقولهم معلش اصلى شغال و هكذا
يا رب التجربة تفيد حد و يقدر يعمل اللى معملتوش
محمد النعناعى
تابعنا على :
الصفحة الرسمية للأكاديمى
جروب الأكاديمى
لينكد ان
قناة الأكاديمى على يوتيوب
Comments
Post a Comment