Software Testing Entry Criteria

Entry & Exit Criteria - Part I (Entry)

كالعادة ال ISTQB بتكتب كلام لشخص منظم جدا و اشتغل على الاقل سنتين تلاتة فى شركة منظمة جدا و دا للأسف مش لايق على شركات مصر اللى ماشية بنظام ال (الحوكشة) .. مش عايز اقول معظم بس فيه كتير مش ماشى على process محددة من الاخر حط دا على دا ال project تمام .. خلاص خش على اللى بعده .

طيب موضوع امتى تبدأ و امتى توقف ال testing اتذكر ببساطة جدا و و اعقد من كدا و مينفعش اننا نختصره كالتالى :

Entry Criteria لما كل حاجة تكون جاهزة 

Exit Criteria لما اخلص و اطلع برا ال test و اسلم 

---------------------------------------------------------------------------------------------------------------

ححاول بقدر الامكان اجيبلك كل الخبرات اللى مريت بيها و ان شاء الله كلنا نستفاد :)

Entry Criteria 

- بمجرد ان ال project manager يعمل ال high level plan و هى من الاخر plan بيجمع فيها مل ال effort اللازم من كل team زى ال development and testing .. بمجرد ان يعمل ال plan دى تقدر تحط حاجة اسمها high level test cases او بنسميها logical test cases حاجة من برا كدا زى مثلا لما اقولك انى حشتغل على payroll system اللى بيحسب المرتبات و بيحسبها من حاجات كتيرة زى ال basics salary , overtime and penalties بس مفيش equation محددة بس تقدر تعمل test case عليها زى لما بتقول Verify that salary is correct for specific employee when running the payroll procedure فاللى جوا لسه متحددش بس تقدر تكتب test case مع ان ال requirement مش جاهزة 

- حاجة تانية ممكن تبدأ test من خلال طريقة اسمها ال Risk Assessment و دى انك تجمع ال risks اللى عند اى business user زى ما يقلك انا خايف ان المرتب يتبعت لحد مرتين او يتبعت بالغلط لحد تانى و مشتركين فى الاسم فتقدر تعمل test case من خلالها تقدر تتجنب دا .
----------------------------------------------------------------------------------------------------------------------
** ممكن تشوف من هنا يعنى ايه Risk Based Testing بالمرة

---------------------------------------------------------------------------------------------------------------------

- ال DB Model لو جاهزة تقدر تعمل test عليها بس انتا لو tester شاطر مش تعبان و عارف قيمة انك تكون software engineer قبل ما تبقى tester فتقدر تدخل على table design و تحدد اذا كان فيه bugs ممكن تحصل او لا زى مثلا لما يكون عندك table و فيه address معمول varchar 50 فبالتالى تسأل نفسك سؤال طب اكيد الناس بتكتب اكتر من 50 حرف فى العنوان ساعتها حتبقى جبت bug قبل ما ال GUI يطلع اصلا و تقدر تعمل test cases عليها كمان 

- حاجة رابعة ال high level work flow او الاسم المودرن شوية customer journey و هو ال flow اللى ممكن ال business user يمشى عليه فى ال system فتقدر تعمل منه test cases بمعنى بيقولك ان ال user ممكن يلعب لعبة 7 اسئلة فى 60 ثانية و ليه 3 محاولات لو نجح فى اى واحدة ياخد جايزة لو منجحش لازم يستنى لليوم اللى بعده فتقدر تعمل test على الاساس دا.. ال workflow مهم جدا 

- طبعا الاساس فى كل دول انك يكون عندك requirement طب انتا لو شغال فى شركة العبد الحبشى و مفيش اى req ساعتها مفيش حاجة اسمها entry criteria و لما ال developer يخبط على كتفك و يقولك خلاويص ابدأ انتا دور حتعمل ايه .

كل دول entries مفيش حاجة اسمها لما تكون كل حاجة جاهزة .. طب ايه هى الحاجة ؟؟ دا القصد
---------------------------------------------------------------------------------------------------------------------
** ممكن تشوف يعنى ايه Static Testing من هنا برضو

------------------------------------------------------------------------------------------------------------------------

محمد النعناعى Mohammed El Nenaey 

و كان نفسى اكتب قصص Certified Test Manager

تابعنا على :

الصفحة الرسمية للأكاديمى 

https://www.facebook.com/Software-Quality-Academy-443012199229868/

جروب الأكاديمى 

https://www.facebook.com/groups/1823209441082609/

لينكد ان 

https://www.linkedin.com/in/software-quality-academy-69457b151/

قناة الأكاديمى على يوتيوب

https://www.youtube.com/channel/UC1paFVm4PMQFZ1PiJv2M-TQ