Software Quality Academy Blog

February 25, 2019

How To Do Exploratory Testing

أى حد فى الدنيا حيجى يعمل test حيبقى عنده ممكن نقول أكتر من طريق و هما :

Requirement Based Testing
Risk Based Testing
Experience Based Testing

فى ناس كتير جدا بتتلغبط فى قصة ال exploratory و خصوصا لو شغال فى شركة العبد الحبشى اللى هى مفيش لا requirement و لا حد يوجهك و انتا ال tester الوحيد و بتعمل كل حاجة.

طبعا اللى بيقرا أول مرة ال Exploratory Testing دا جزء من Experience Based Testing و دا انك تكتشف او ت explore ال system اللى ادامك و بناء عليه تطلع ال bugs و بعدها ال test cases دا لو عندك وقت اصلا ساعتها .

-----------------------------------------------------------------------------------------------------------

ف إزاى تبدأ ال Exploratory Testing بتاعك ؟؟

أول حاجة Main Functions

يعنى لو عندك form فيها add , edit and delete او مثلا بتعمل search او بتطلع report أو بتحسب حسبة معينة أو تشوف ال data فى الجريد اللى تحت عاملة ازاى و ممكن تعتبر دا من ال smoke testing بتاعك فى الأول (انك تتأكد أن كل حاجة أساسية شغالة فقط) زى دى

و ممكن برضو لو عندك search باكتر من criteria يعنى مثلا search by name , email and phone فلازم طبعا تغطى كل الاحتمالات زى دى

تانى حاجة Input Testing

يعنى تعدى على كل input و تعمل test عليه بمعنى لو عندك text box بيدخل اسم فمينفعش تدخل ارقام او text box بياخد ارقام فمينفعش تحط text و تشوف ال combo box الاختيارات اللى فيه

تالت حاجة Flow Testing

انك تشوف ازاى flow ال system بيمشى يعنى مثلا لو system عيادة فالموظف فى الاستقبال بيدخل patient records بعدها المريض دا يدخل للدكتور فطبعا الدكتور حيظهرله ال case على طول يبدأ ياخد فيها قرارات و يكتب التحاليل و يبعتها للمختبر فالمختبر ي open case و يكتب انه خلص فيطلع للدكتور و هكذا و ياسلام لو فيه update لكل دا كموبايل application للمريض نفسه بحيث يتابع حالته

رابع حاجة Privilege Testing

كل user ليه access معين يشوف منه الحاجة اللى المفروض يشوفها بس و دا ممكن تتحد من ال admin system زى دى