How To Start In Software Testing Field

How To Start In Software Testing Field

ان شاء الله أحاول انقلك خبرة الكام سنة مرمطة فى السوق منها خبرات فى شركات multinational و شركات متوسطة و شركات تحت السلم و شغل part time و free lancing كتير ..

أول ما بدأت وقعت فى فخ ال ISTQB و هو فعلا فخ ليه بقا ؟!

عمال اقرا حاجات فى الشهادة انا مش فاهم اى حاجة منها خالص زى requirement و traceability matrix و analysis و test manager بيكلم project manager فقلت ايه الكلام الكبير دا و قفلت من الشهادة خالص ..

بعدها عملت حاجة بسيطة قلت مش حفهم اى حاجة من كل دا الا لما افهم الكلام دا الاول عشان من الاخر كدا اربط الامور ببعضها و بعد كام سنة لقيت أفضل طريقة ممكن تبدأ بيها المجال دا ..

-----------------------------------------------------------------------------------------------------------------------

أولا : أرجوك متبدأش ب ISTQB .. مش عشان وحشة بالعكس هى قيمة جدا بس هى معتمدة على انك تكون فاهم اصلا software engineering قبل ما تبدا .. تكون فاهم يعنى ايه project management و كمان delivery life cycle ازاى من الاخر ال system بيتسلم حتة حتة (و طبعا دى فيها كلام كبير اوى )

ال ISTQB اصلا معمولة على اساس knowledge من كتب و مراجع قديمة و دا تقدر تتأكد منه من الموقع نفسه بتاعهم و دى صورة من المراجع اهى حتلاقى يا سيدى واخد من حاجات فى سنة 80 كتير أهمها حاجات فى ال computer science و ال modeling عامة و كمان أهم مميزات الشهادة دى انها بتأكد على ازاى البنى أدم يشتغل فى بيئة احسن و دا باين من كتاب J.R Hackman التالت من تحت فى الصورة و كتب V.R. Basili (راجل شبه كنتاكى جدا) اول 3 كتب .. الشهادة دى ادركت ان كل البلاوى بتيجى لل tester فاكدت على ان ال tester يكون جوه ال system cycle بطريقة ما و يكون عنده soft skills رهيبة للتعامل مع كل البلاوى اللى بتجيله دى :)

من الاخر يا جماعة الشهادة دى جت خدت كل التجارب السابقة فى ال software engineering و قالت عايزة اعمل مرجع لاى software tester فى الدنيا بس بطريقة modern شوية طريقة تخليك تحب الشغل و يبقى ال performance بتاعك اسرع بكتير .. بالتالى لازم تفهم يعنى ايه اصلا system و software engineering قبل ما تدخل فى الشهادة ..

طيب بس الناس بتقول ان هى للمبتدئين ؟؟ ازاى بتقول كدا ؟

هى فعلا للمبتدئين بس فى فرع ال software testing اللى متفرع من مجال ال software engineering فبالتالى لما تيجى تقرا اول مرة و تقول عايز اخد الشهادة تلاقى نفسك بتقرا فى طلاسم عجيبة و انتا مش فاهم اى حاجة !!

فقبل ما نخرج من أولا عشان أحل المعضلة دى أعمل ايه ؟

1. اقرا كتير عن ال software engineering سوء كتبت فى google او YouTube
2. اقرا عن ال project management و ال project manager دا بيعمل ايه اصلا
3. يعنى ايه system delivery life cycle
4. ممكن تشوف فيديو لينا عن ال software testing essentials

يا ريت و انتا بتدور شوف الفيديوهات اللى فيها شوية animation عشان متزهقش بس

--------------------------------------------------------------------------------------------------------------------

ثانيا : أبدا بخلاصة ال Testing و دى حتلاقيها فى كتاب اسمه Testing Primer لوجو القرد :) اللينك بتاعه أهو

http://eddiejackson.net/web_documents/software_testing_A_Software_Testing_Primer.pdf

ميزة الكتاب دا انه جايبك الخلاصة من غير هرى تماما و منظملك الدنيا شوية معمول 2008 بعد ال ISTQB فى 2002

كتاب 43 صفحة فى الخفيف تخلصه فى اسبوع كلامه سهل على القلب كدا مش تقيل زى الشهادة .

----------------------------------------------------------------------------------------------------------------------

ثالثا : ال Tester بيعمل ايه فى حياته 

هو انتا ينفع تشتغل من غير ما تعرف انتا حتعمل ايه و حتكلم مين و حتستلم ايه و حتسلم ايه و تتخانق مع مين !!

من أساطير ال career انك تبدأ بالشهادة على طول .. حتفيدك طبعا بس دخلتك غلط و لو معندكش صبر حتتوه و حتزهق 

اعرف ال junior بيعمل ايه من هنا 

اعرف ال senior بيعمل ايه من هنا 

----------------------------------------------------------------------------------------------------------------------

رابعا : أبدا بالشهادة و متغوطش اوى فيها و لازم تعرف التالى :

1. الشهادة مفيهاش اى template توحد ربنا عن ال test cases و ال bug sheet مش تناكة بس هى معتمدة على انها تقولك ال knowledge و انتا تأقلم نفسك على الشغل اللى انتا بتعمله يعنى مثلا ال test cases مختلفة لما تشتغل waterfall عن Agile و بما ان الشهادة بتقولك لازم تبقى software tester صح فمش حتحط نفسها فى الفخ دا ..
2. لو قريت كتاب Testing Primer حتلاقى templates لل test cases and bug sheet لانه كتاب ملخص مش شهادة 
3. الشهادة للمبتئين فى فرع ال testing فى مجال software engineering فطبيعى لازم تفهم الاصل قبل الفرع عشان كدا لما بتقراها فى الاول بتبقى مش فاهم اى حاجة اطلاقا !!

----------------------------------------------------------------------------------------------------------------------

خامسا : المواضيع المهمة اللى حتساعدك تفهم الشهادة شوية فيديوهات عملى عامة فى مواضيع مختلفة من ال testing

1. ايه هى ال testing types
2. ايه هى ال testing levels
3. الفرق بين ال static and dynamic test
4. الفرق بين functional and nonfunctional testing
5. ازاى تعمل test case sheet
6. ازاى تعمل bug sheet
7. الفرق بين ال test scenario و ال test case
8. ازاى تطلع test cases من ال requirement
9. ايه هو ال smoke testing 

ممكن تشوف فيديوهات عملية من هنا

https://www.youtube.com/playlist?list=PLQUxWr2rTswl1D4f8Tkw3RvCD-ZB6LpgJ

------------------------------------------------------------------------------------------------------------------------

سادسا : ال Testing Tools 

من أكتر الحاجات اللى تعملك انك ترمى نفسك فى البحر .. شوف ايه هى ال testing tools و اشتغل عليها طبعا حتسوف كام فيديو كدا عشان تعرف الدنيا .. حتقابلك كلمة مش فاهمها حتقرا عنها و تكمل .. و ادعبلى 

شوف كدا الفيديوهات دا فيه testing tools 

https://www.youtube.com/playlist?list=PLQUxWr2rTswkWK1W9LlqfQB-KmKctK281

و كمان tool اسمها Microsoft TFS

https://www.youtube.com/playlist?list=PLQUxWr2rTswm0KfmCvmxszmNlTj-JeF0W

-------------------------------------------------------------------------------------------------------------------------

سابعا : ادخل ف الشهادة بقلب جامد

انتا كدا عرفت اساس ال system و بتكلم مين و يتستلم و تسلم ايه و ايه شغلك الصح و كله حاجة حوالين المجال حتى لو اساسيات فبكدا تعرف تخش و انتا مستريح و تحط رجل على رجل و تفهم الدنيا صح 

-------------------------------------------------------------------------------------------------------------------------

ثامنا : ال Testing احساس يا خلف

مش عشان حد قالك تعالى و غير حياتك تجرى وراه على طول .. مفيش دولارات فى الاول والله :)

ال testing معتمد على القراية الكتييييييير جدا و انك تجرب مليون طريقة قبل ما توصل لاقرب حاجة صح لان مفيش صح فى ال testing بس فيه انك تشوف الموقف اللى انتا فيه و تشتغل على اساسه .. اه طبعا فيه Best Practices بس الدنيا مش وردى و مش كلها بتمشى زى ما انتا عاوز 

اقرا من :

1. https://www.guru99.com/
2. https://www.softwaretestinghelp.com/ خطير جدا جدا 
3. https://artoftesting.com/
4. https://rbcs-us.com/ عم الناس Rex Black واحد من اللى حاطين ماتريال ال ISTQB .. اسمه ركس عادى

-----------------------------------------------------------------------------------------------------------------------

تاسعا : ال Communication Skills

الشغلانة دى 70% منها soft skills و 30% منها technical عشان تعرف تنجح فيها و تبقى فى الاخر اسمك Test Manager

----------------------------------------------------------------------------------------------------------------------

عاشرا : فيه سكتين 

سكة نظرى و سكة عملى و الاتنين بيكملوا بعض بس نصيحتى العملى حيفهمك حاجات عمرك ما حتقراها فى النظرى فى حياتك و دى السكة اللى انا شغال عليها و بدرسها فى الاكاديمى 

---------------------------------------------------------------------------------------------------------------------

محمد النعناعى Mohammed El Nenaey 

و كان نفسى اكتب قصص Certified Test Manager

تابعنا على :

الصفحة الرسمية للأكاديمى 

https://www.facebook.com/Software-Quality-Academy-443012199229868/

جروب الأكاديمى 

https://www.facebook.com/groups/1823209441082609/

لينكد ان 

https://www.linkedin.com/in/software-quality-academy-69457b151/

قناة الأكاديمى على يوتيوب

https://www.youtube.com/channel/UC1paFVm4PMQFZ1PiJv2M-TQ

الكورس المجانى فى يوديمى Udemy

https://www.udemy.com/course/practical-software-testing-istqb-basics-in-arabic/learn/lecture/16056390#overview