SQL Use In Software Testing
SQL Use In Software Testing
ايه هى استخدمات الداتابيز فى مجال ال Software Testing ..
----------------------------------------------------------------------------------------------------------------------------------------
** الفيديو التوضيحى لكل الكلام اللى تحت
----------------------------------------------------------------------------------------------------------------------------------------
كلمتين بس فيهم الصح عشان اى حد لسه ييبدأ .. مفيش حاجة اسمها SQL for testers او for testing اين كان المسمى .. ببساطة خالص ال sql هو ال sql مفيش حكر على حد .. طب ايه استخداماتك انتا ك tester ? خد دول فيهم الشفا و لو اخدت كورس ارجوك متاخدش ازاى تعمل queries بس لان اى حد معدى فى الشارع حيعرفها .. لازم تعرف ازاى تفكر فى اللى تحت دا :
----------------------------------------------------------------------------------------------------------------------------------------
اولا : ال Test Data و انتا بتجهز كدا ال test environment (دا لو عندك اصلا مش كل الشركات كدا ) بتبقى عايز تضمن ان ال data بتاعتك صح بمعنى انك لو بتعمل test فى اول ال project مثلا عايز تجيب clone من ال production و تتاكد ان ال data هنا هى ال data هنا و فى الاغلب بنستخدم count function تعد ال records فى ال production و فى ال test .. زى مثلا insurance systems التأمينات بعمل count لل insurance policies و ال customers و ال paid amount و outstanding amounts .
اتاكدت و كله تمام ابدا و دا طبعا جزء من شغلك ك tester
Select count(policy_id) from policies
---------------------------------------------------------------------------------------------------------------------------------------
ثانيا : Change Data بمعنى انك عندك medical system و فيه function بتخلى الدكتور مثلا inactive بس لسه ال coding بتاع ال option متعملش من ال screen و عايز تشوف scenario زى ان الدكتور دا لو inactive مش حيظهر فى اى report .. تقوم ببساطة داخل على ال database و تعمل update تخليه بدل 1 يبقى 0 او العكس على حسب معمول ازاى و تروح تشوف ال reports و ترجع تغير و هكذا
Update doctors set active_flag = 0 where doctor_id = 500
----------------------------------------------------------------------------------------------------------------------------------------
ثالثا : Report Testing و دا حوار شوية من الاخر لو عندك report و اطلب منك تعمل test لل data source نفسها صح ولا غلط اللى بيقرا منها ال report دا .. فى الحالة دى لو اخدت نفس ال query اللى عملها ال developer حيتعلم عليك طبعا .. لازم انتا اللى تعمل ال query بنفسك كدا كدا حتستخدم نفس ال tables مش اختراع يعنى مفيش غيرهم اصلا بس القصة فى التفكير ازاى تربط ال tables ببعض عن طريق ال joins
Select * from table1 join table2 on table1.id = table2.id
---------------------------------------------------------------------------------------------------------------------------------------
رابعا : ال Business Scenarios ممكن يجيلك report يقولك طلعلى الناس اللى مترقتش خلال السنة اللى فاتت ولازم يكونوا معدوش عليهم سنتين فى نفس ال position بس (مثال بسيط اوى عشان الناس تفهم) فبالتالى فيه business ورا الطلب دا عشان مثلا ميحصلش ترقية تانى بالغلط او يشوفوا ال system شغال صح ولا لا و بالتالى لازم تعمل where condition على السنة و على ال promotion date فى سنة 2019 و تعمل exclude ليهم و تطلع الباقى و بعد كدا where برضو على ال position لحد لما توصل للصح .
---------------------------------------------------------------------------------------------------------------------------------------
مش محتاج اوصيك لو رحت ل developer قلتله انا عارف sql for testers مش محتاج اقلك حيعمل فيك ايه :)
الخلاصة افهم ارجوك لان من اسباب الخناقات بين ال developer و ال tester ان ال tester ميكونش فاهم دماغه ..
ارجو تكون الدنيا وضحت .. شكرا و ممكن برضو تشوف فيديو عن انواع ال SQL Joins
------------------------------------------------------------------------------------------------------------------------------------------
محمد النعناعى Mohammed El Nenaey
و كان نفسى اكتب قصص Certified Test Manager
تابعنا على :
الصفحة الرسمية للأكاديمى
جروب الأكاديمى
لينكد ان
قناة الأكاديمى على يوتيوب
Comments
Post a Comment